အနာဂတ်ကို မှန်းမျှော်မိခြင်း

တပ်မတော် အရာရှိဟောင်း တဦးလည်းဖြစ်၊ နိုင်ငံရေး အကျဉ်းသားဟောင်း တဦးလည်းဖြစ်သော ကျနော် နေမျိုးဇင် သည်

မြန်မာ့လူမှုဘ၀ ဖွံ့ဖြိုးတိုးတက်ရေး ကွန်ယက် အမည်ဖြင့် မြန်မာလူထု စား၊ ၀တ်၊ နေမှု အစုစုဖွံ့ဖြိုးတိုးတက်မှုများ ကို တာဝန်သိစိတ်ရှိသောလူငယ်များ နှင့် ချိတ်ဆက် စုဖွဲ့ပြီး တိုင်းပြည် တာဝန်ကို မိမိတို့ ခံယူချက်ဖြင့် မိမိတို့ဘာသာ ထမ်းဆောင်လာခဲ့သည်မှာ လွတ်ငြိမ်းချမ်းသာခွင့်ဖြင့် အကျဉ်းထောင်မှ လွတ်မြောက်သညမှ အစ

ကိုးလ တာ ကြာမြင်ခဲ့ပြီဖြစ်ပါသည်။ မြန်မာလူမျိုး ပြည်တွင်းပြည်ပ မှ နိုင်ငံသားများ ယုံကြည်စွာ ပေးပို့လှူဒါန်းလာသော အလှူများကို အလှူရှင်များ လိုလားသည့်အတိုင်း လူမှုဘ၀ မြင့်တင် ကူညီရေး အလုပ်များတွင် ထိရောက် မြန်ဆန် တာသွားစွာ ကူညီလာခဲ့သည်မှာ ကျပ်သိန်းပေါင်း ၇၀၀ ၀န်းကျင်အထိ ငွေ၊ ပစ္စ္စည်းများကို လူထု လိုအပ်ချက် ပေါ်မူတည်သော ကဏ္ဍများ အလိုက် အသုံးပြု ကူညီပေးခဲ့ပါသည်။ သောက်သုံးရေ ပြတ်လပ် ရှားပါးမှုဖြစ်ပေါ်ခဲ့သည့် ပြီးခဲ့သော နွေကာလ၊ ရန်ကုန်တိုင်း၊ သုံးခွမြို့နယ် အတွင်း

မုတ္တမ ပင်လယ်ကွေ့ ကမ်းခြေ တလျောက်မှ ကျေးရွာများတွင် စက်ရေတွင်း၊ (အ၀ီစိတွင်း) ပေါင်း ၁၁ တွင်းကို တူးဖေါ်လှူဒါန်းပေးခဲ့နိုင်သည်။ ရန်ကုန်တိုင်း ထန်းတပင်မြို့နယ် အတွင်းမှ ကျေးရွာ နှစ်ရွာတွင် ရေတုံကင်များ တူးဖေါ်လှူဒါန်းပေးခဲ့သည်။ ထိုမှ တခါ ပခုက္ကူ ခရိုင် မြိုင်မြို့နယ် အတွင်း မိုးခေါင်ရေရှားဒေသများ အတွက် ကျပ်သိန်း နှစ်ဆယ်ကျော်ဖိုး စက်ရေတွင်းပြင်ဆင်မှုများ၊ ဆည်ဖို့ဆောက်လုပ်မှုများဖြင့် လူထု အကျိုးကို ပြုခဲ့သည်။ တခါ ဧရာဝတီ တိုင်းဒေသကြီး အတွင်း မိုးတွင်းအခါ ရေကြီးဘေးသင့် သဖြင့် ပြည်သူအများ ရေဘေးမှ ကင်းလွတ်စေရန် အစားစာ၊ အ၀တ်၊ ဆန် များ လှူဒါန်းခြင်းကို ဆက်တိုက် လုပ်ဆောင်ခဲ့ရာ မြန်မာ့လူမှုဘ၀ ဖွံ့ဖြိုးတိုးတက်ရေး ကွန်ယက် အနေဖြင့် ကျေးရွာ ဒေသ အနှံ့ဆီသို့ ဆန်အိတ်ပေါင်း ၁၄၀၀ ခန့် လှူဒါန်းဖြန့်ဝေ ပေးနိုင်ခဲ့ပြီး အားလုံးကို ကျနော် ကိုယ်တိုင် ဦးဆောင်ကွင်းဆင်းပြီး ထိရောက်သော အကူအညီဖြစ်စေရေး ဆောင်ရွက်ကူညီခဲ့ခြင်းသာ ဖြစ်သည်။ လောလောဆယ် အထိ စုစုပေါင်း အလှူငွေကြေး ပမာဏအားဖြင့် ကျပ် သိန်း ၈၀၀ အထက် တန်ဖိုးရှိသော အကူအလှူများကို လူထု အကူအညီဖြင့်ပင် ဆောင်ရွက်ပေးနိုင်ခဲ့ပါသည်။ ရေဘေး ကယ်ဆယ်ရေး လုပ်ဆောင်အပြီး ဒေသတွင်း ပြည်သူလူငယ်ထု အခြေအနေမှန်ကို လေ့လာပြီးနောက် ကျနော်သည် ဝေးလံခေါင်ဖျား ကျေးလက်များသို့ နယ်လှည့် အခမဲ့ ကွန်ပျူတာနှင့် အင်တာနက် အသုံးချနည်း အခြေခံသင်တန်းများကို ဆက်တိုက် ဖွင့်လှစ်သင်ကြားပေးခဲ့ရာ သင်တန်းတက်ရောက်သူ လူငယ် ၇၀၀ ကျော်အား အိုင်တီ နည်းပညာ မိတ်ဆက်နှင့် လက်တွေ့အသုံးချနည်း လမ်းများကို အခမဲ့ သင်ကြားပေးနိုင်ခဲ့သည်။ နယ်လှည့် အခမဲ့ ကွန်ပျူတာ သင်တန်းများ ဆက်လက် ဖွင့်လှစ်နေဆဲ့ ယနေ့ မှာပင် ကျေးလက်ဒေသများ အတွက် ကျေးရွာ စာကြည့်တိုက်များ ဆက်တိုက်ဖွင့်လှစ်နိုင်ရန် ဘတ်စ်ကား တတန် အငှားကား တတန်ဖြင့် စာအုပ်များ လိုက်လံ အလှူခံကာ ကြိုးပမ်းနေပါသည်။ ဆက်လက်ပြီး ပြည်ထောင်စု စိတ်ဓါတ်ဖြင့် ပြည်ထောင်စု လူငယ်များ ဦးစီးသော နယ်လှည့် အခမဲ့ ကွန်ပျူတာ သင်တန်းများကို နိုင်ငံ တောင်ပေါ် မြေပြန် နေရာ အနှံ့တွင် ဖွင့်လှစ်သင်ကြားပေးနိုင်ရေး မဟာစီမံကိန်းကြီး တခုကို ဘတ်စ်ကား တိုးစီး ရင်း စိတ်ကူးပြင်ဆင်နေပါသည်။ မဖြစ်သေးသည်သာ ရှိရမည်။ မဖြစ်နိုင်တာ မရှိစေရပါ။ နေမျိုးဇင်